Xalbadorren heriotzean
Hitzak - Auteur
Xabier LETE
Musika - Compositeur
Xabier LETE
> Les paroles :
Adixkide bat bazen
Orotan bihotz bera,
Poesiaren hegoek
Sentimentuzko bertsoek
Antzaldatzen zutena.
Plazetako kantari
Bakardadez josia,
Hitzen lihoa iruten
Bere barnean irauten
Oiñazez ikasia.
Nun hago, zer larretan
Urepeleko artzaina,
Mendi hegaletan gora
Oroitzapen den gerora
Ihesetan joan hintzana.
Hesia urraturik
Libratu huen kanta,
Lotura guztietatik
Gorputzaren mugetatik
Aske senditu nahirik.
Azken hatsa huela
Bertsorik sakonena,
Iñoiz esan ezin diren
Estalitako egien
Oihurik bortitzena.
Nun hago, zer larretan
Urepeleko artzaina,
Mendi hegaletan gora
Oroitzapen den gerora
Ihesetan joan hintzana.